कोपा अमेरिकामा अर्जेन्टिना समूह चरणमा अपराजित रहँदै अन्तिम आठमा पुग्यो।
समूह विजेता बन्ने क्रममा अर्जेन्टिनाले मंगलबार विहान भएको खेलमा बोलिभियामाथि सानदार जित निकाल्यो।
अर्जेन्टिनाले ४-१ गोलले जित हात पारेको खेलमा कप्तान लिओनल मेसीले उत्कृष्ट खेल देखाए। उनले दुई गोल गर्दा एक गोलका लागि पास दिए।
समूह 'बी' मा १० अंक जोडेको अर्जेन्टिनाले अब अन्तिम आठमा इक्वेइडरसँग प्रतिस्पर्धा गर्नेछ।
बोलिभियाविरुद्ध उत्कृष्ट प्रदर्शन गरेसँगै मेसीले रेकर्ड बनाए। मेसी अर्जेन्टिनाका लागि सर्वाधिक खेल खेल्ने खेलाडी बने।
मेसीले मंगलबार अर्जेन्टिनाका लागि १४८औं खेल खेले। यसअघि उनले जाभियर मास्चिरानोको १४७ खेलको कीर्तिमान बराबरी गरेका थिए।
बोलिभियाविरुद्ध गोल गरेसँगै मेसीले आफ्नो अन्तर्राष्ट्रिय गोल संख्या ७५ पुर्याए। यो संख्या भारतका कप्तान सुनील क्षेत्रीले गरेको अन्तर्राष्ट्रिय गोल संख्याभन्दा एक बढी हो।
स्पेनिस क्लब बार्सिलोनाका कप्तान रहेका मेसीले सन् २००५ मा राष्ट्रिय टिममा डेब्यू गरेका थिए। अगस्ट १७, २००५ मा मेसीले हंगेरीविरुद्ध डेब्यू गर्दा अर्जेन्टिनाले २-१ को जित हात पारेको थियो।
त्यसयता उनले अर्जेन्टिनाका लागि १४८ खेल खेल्दै कीर्तिमान बनाए।
अर्जेन्टिनाका लागि सर्वाधिक खेल खेल्न दश खेलाडी
लिओलन मेसी - १४८ खेल
जाभियर मास्चिरानो - १४७ खेल
जाभियर जानेटी - १४३ खेल
रोबर्टो अएला - ११४ खेल
एन्जल डि मारिया - १०७ खेल
डिएगो सिमोन्स - १०३ खेल
सर्जियो अग्युरो - १०० खेल
ओस्कार रुग्गेरी - ९७ खेल
सर्जियो रोमेरो - ९६ खेल
डिएगो म्याराडोना - ९१ खेल
-1746009348.jpg)
