महिला राष्ट्रिय लिगको दोस्रो चरणको प्रतिस्पर्धा शनिबारदेखि सुरु हुने भएको छ।
अखिल नेपाल फुटबल संघ (एन्फा) ले दोस्रो चरणको खेल तालिका बिहीबार सार्वजनिक गरेको छ।
जसअनुसार पहिलो दिन शनिबार त्रिभुवन आर्मी क्लब र चौदण्डीढी नगरपालिका उदयपुरबीच प्रतिस्पर्धा हुनेछ।
अन्तिम दिन फागुन ७ गते शीर्ष स्थानको एपिएफ क्लब र दोस्रो स्थानको आर्मीबीच खेल हुनेछ।
अन्तिम खेल दशरथ रंगशालमा हुनेछ। बाँकी खेल एन्फा कम्प्लेक्स सातदोबाटोमा संचालन हुनेछन्।
पहिलो पटक दुई चरणमा भइरहेको महिला लिगको पहिलो चरणको खेल सकिदा एपिएफ ६ खेलमा नै जित हात पार्दै १८ अंक जोडेर शीर्ष स्थानमा छ। एपिएफले अहिलेसम्म ४३ गोल गरेको छ भने कुनै पनि गोल खाएको छैन।
दोस्रो स्थानको आर्मीको १३ अंक छ भने विराटनगर महानगरपालिका १० अंकसहित तेस्रो स्थानमा छ।
चौथो स्थानको नेपाल पुलिस क्लबले ८ अंक र पाँचौ स्थानको वालिङले पनि ८ अंक नै जोडेको छ।
चन्द्रपुर नगरपालिका ३ अंकसहित छैटौं स्थानमा रहदा पुछारको चौदण्डीगढी सबै खेल हारेकाले अंकबिहीन छ।
-1746009348.jpg)
