फ्रेञ्च लिग वानको साविक विजेता पिएसजी पराजित भएको छ। पिएसजीलाई आइतबार राति भएको खेलमा लोरियन्टले ३-२ गोलले पराजित गरेको हो।
खेलमा अग्रता लोरियन्टले ३६ मिनेटमा अबेर्जेलको गोलबाट लियो।
४५ मिनेटमा पिएसजीका लागि नेइमारले बराबरी गोल गरे। उनले पेनाल्टीमार्फत गोल फर्काएका हुन्।
५८ मिनेटमा नेइमारले दोस्रो गोल गर्दै पिएसजीलाई अग्रता दिलाए। यसपटक पनि उनले पेनाल्टीबाट नै गोल गरे।
खेलको ८० मिनेटमा लोरियन्टका विसाले गोल गोल गर्दै खेललाई २-२ को बराबरीमा ल्याए।
दोस्रो हाफको इन्जुरी टाइममा मोफीले गोल गर्दै लोरियन्टलाई ३-२ को रोमाञ्चक जित दिलाए।
लिगमा लिले २२ खेलबाट ४८ अंक जोडेर शीर्ष स्थानमा छ। दोस्रो स्थानको लियोनको ४६ अंक छ भने पिएसजी ४५ अंकसहित तेस्रो स्थानमा छ।
-1746009348.jpg)
