आजदेखि सुरू भएको एसिसी मेन्स प्रिमियर कप क्रिकेट प्रतियोगितामा मलेसियाविरूद्धको खेलमा नेपालले दोस्रो विकेट लिएको छ। नेपालका लागि सन्दीप लामिछानेले दोस्रो विकेट लिएका हुन्।
लामिछानेले ३३.२ ओभरमा अहमद फैजलाई आशिफ शेफको हातबाट क्याच आउट गराएका हुन्।
९५ बलमा ७६ रन बनाएका अहमदले ८ चौका र १ छक्का प्रहार गरे। अहिले क्रिजमा ४४ रन बनाएर भिरानदिप सिंह र ९ रन बनाएर विजय उन्नी खेलिरहेका छन्।
नेपालका लागि पहिलो विकेट गुल्सन झाले दिलाएका थिए।
यो प्रतियोगिता वैशाख ५ देखि वैशाख १८ सम्म कीर्तिपुरस्थित त्रिवि मैदान र मुलपानी मैदानमा हुने छ।
नेपालको समूहमा ओमान, कतार, मलेसिया र साउदी अरेबिया छन्। समूह ‘बी’ मा युएई, हङकङ, कुवेत, सिंगापुर र बहराइन छन्।
नेपालले दोस्रो खेल ओमानसँग वैशाख ८ मा त्रिविमा, तेस्रो खेल मुलपानी मैदानमा साउदी अरेबियासँग वैशाख ११ गते र अन्तिम खेल वैशाख १४ गते कतारसँग त्रिवि मैदानमा खेल्नेछ।
-1746009348.jpg)
