कप्तान केएल राहुलले ७४ रन बनाएको खेलमा लखनऊ सुपरजायन्ट्स पराजित भएको छ।
इन्डियन प्रिमियर लिग (आइपिएल)मा गएराती भएको खेलमा लखनऊ पञ्जाब किंग्ससँग २ विकेटले पराजित भएको हो।
जितका लागि लखनऊले दिएको १६० रनको लक्ष्य पञ्जाबले तीन बल बाँकी छँदा ८ विकेट गुमाएर पूरा गरेको हो।
पञ्जाबका लागि सिकन्दर राजाले अर्धशतक बनाए। उनले ४१ बलमा ४ चौका र ३ छक्का प्रहार गरे।
म्याथ्यु सर्टले २२ बलमा ५ चौका र १ छक्का प्रहार गर्दै ३४ रन बनाए। हरप्रित सिंहले २२ बलमा ३ चौका प्रहार गर्दै २२ रन बनाए।
मशुद शाहरूख खानले अविजित २३ रन बनाए।
बलिङतर्फ लखनऊका युधविर सिंह, मार्क उड र रवि विस्नोइले दुई–दुई विकेट लिए भने कृष्णप्पा गोथन र क्रुनाल पाण्डेले एकएक विकेट लिए।
लखनऊको अटल बिहारी वाजपेयी स्टेडियमा टस हारेर पहिले ब्याटिङ गरेको लखनऊका लागि कप्तान केएल राहुलले सर्वाधिक ७४ रन बनाए। उनले ५६ बलमा ८ चौका र १ छक्का प्रहार गरे।
त्यस्तै कयल मेयर्सले २९ रन बनाउन १ चौका र तीन छक्का प्रहार गरे।
बलिङतर्फ पञ्जाबका शाम कुरानले तीन विकेट लिँदा कगिसो रगाडाले दुई विकेट लिए। अर्शदीप सिंह, हरप्रित ब्रार र सिकन्दर राजाले एकएक विकेट लिए।
जितसहित पञ्जाब अंक तालिकाको चौथो स्थानमा उक्लिएको छ। लखनऊ दास्रो स्थानमा छ।
-1746009348.jpg)
