एक दिवसीय आइसीसी विश्वकप छनोट प्रतियोगिता अन्तर्गत नेपालविरूद्ध टस जितेर ब्याटिङ गरिरहेको जिम्बावेले तीन सय रन कटाएको छ।
४२ ओभरको समाप्तिमा ४ विकेट गुमाउँदै जिम्बावेले तीन सय रन कटाएको हो। जिम्बाबेका लागि ब्रेडान ट्रेलरले नटआउट रहँदै सर्वाधिक ८८ रन बनाएका छन्। यस्तै अर्धसतक कटाउनेहरूमा सोलोमन मायर र सिकन्दर राजा रहेका छन्।
सुरूवातमा विस्फोटक ब्याटिङ गरेको जिम्बाबेले त्यसपछि मध्यम गतिमा उत्कृष्ट लय कायम राखेको थियो। नेपालका लागि वसन्त रेग्मीले दुई तथा सन्दीप लामिछाने र ललित राजवंशीले एक–एक विकेट लिइसकेका छन्।
