१३औं दक्षिण एसियाली खेलकुद अन्तर्गत महिला पाँच हजार मिटर दौडमा नेपालकी सन्तोषी श्रेष्ठ चौथोमै सीमित बन्दा पदक जित्न असफल भएकी छिन्।
उनले निर्धारित दूरी १७ मिनेट १३.६८ सेकेन्डमा पूरा गरिन्।
यो स्पर्धामा श्रीलंकाकी उदा जुबुराले १६ मिनेट ५५.१८ सेकेन्डमा दौड पूरा गरेर स्वर्ण जितेकी छिन्। भारतकी पारुल चाउ १६ मिनेट ५७.४९ सेकेन्डका साथ दोस्रो र भारतकै प्रिति लम्बा १७ मिनेट ०९.३२ सेकेन्डका साथ तेस्रो भइन्।
पहिलो दश ल्यापमा अग्रता बनाएपछि सन्तोषी खेलमा पछि परेकी हुन्। सन्तोषीले यसअघि महिला १० हजार मिटरमा स्वर्ण जितेकी थिइन्।
