१३औं सागअन्तर्गत तेक्वान्दोको पुम्से विधाको २४-२९ वर्ष विधामा नेपालका कमल श्रेष्ठले स्वर्ण जितेका छन्।
कमलले सोमबार भएको प्रतिस्पर्धामा ८.२७ अंक ल्याएर स्वर्ण जितेका हुन्। उनले भारतका राहुल जैनलाई पछि पारे। जैनले ८.२० अंक प्राप्त गरे।
यो विधामा नेपाल र भारतसहित पाकिस्तान, श्रीलंका र बंगलादेश भिडेका थिए।
यस्तै पुम्सेकै १७-२३ वर्ष विधामा नेपालका कृष्णबहादुर तामाङले रजत हात पारे। उनले ८.२० अंक प्राप्त गरे। उनलाई श्रीलंकाका दुरायालाङ्गेले ८.२५ ल्याएर पछि पारे।
