मोटरसाइकल चालकलाई बचाउन खोज्दा बस दुर्घटना भएको छ।
बस दुर्घटना हुँदा १४ जना घाइते भएका छन्।
प्रहरीका अनुसार घाइतेमध्ये एक जनाको अवस्था गम्भीर रहेको छ भने अन्य केहीको अवस्था मध्यम र अधिकांशको अवस्था सामान्य रहेको प्रहरीले जनाएको छ।
तुलसीपुर उपमहागनरपालिका–६ की ६१ वर्षीया धनी केसीको अवस्था गम्भीर छ।
इलाका प्रहरी कार्यालय तुलसीपुरका प्रवक्ता प्रहरी निरीक्षक सूर्य राना मगरका अनुसार केसीलाई तुलसीपुरस्थित राप्ती प्रादेशिक अस्पतालमा प्रारम्भिक उपचारपछि थप उपचारका लागि बाँकेको नेपालगञ्ज नर्सिङ होमका लागि रिफर गरिएको छ।
अन्य घाइतेको तुलसीपुरमै उपचार जारी छ।
सोमबार दिउँसो घोराहीबाट तुलसीपुरतर्फ आउँदै गरेको रा १ ख ३१२६ नम्बरको बस तुलसीपुर–१८ मनिकापुर नजिकै दुर्घटनामा परेको थियो।
विपरीत दिशा तुलसीपुरबाट घोराहीतर्फ जाँदै गरेको रा ६ प २६२९ नम्बरको मोटरसाइकललाई जोगाउने क्रममा बस सडक किनारको दायाँ भागमा पल्टिएको प्रहरीले जनाएको छ। मोटरसाइकल चालक र बस चालकलाई प्रहरीले नियन्त्रणमा लिएको छ।
दुर्घटनाबारे थप अनुसन्धान भइरहेको प्रहरीले बताएको छ।
-1755241369.jpg)
-1746009348.jpg)
