राष्ट्रिय युवा परिषद र नेपाल जेसिजले युवाको नेतृत्व विकास र सशक्तिकरणमा सहकार्य गर्ने भएका छन्।
आइतबार सानोठिमी स्थित परिषदको कार्यालयमा भएको द्विपक्षीय छलफलमा सो सहमति भएको हो।
नेपाल जेसिजसंगको छलफल पश्चात् परिषदका कार्यकारी उपाध्यक्ष सुरेन्द्र बस्नेतले युवा नेतृत्व विकास, सशक्तिकरण र उद्यमशीलताको क्षेत्रमा परिषद र जेसिजले सहकार्य गर्ने बताए। बस्नेतले युवा नेतृत्व विकासमा जेसिजले सकारात्मक योगदान पुर्याएको बताए।
नेपाल जेसिजकी नवनिर्वाचित अध्यक्ष रजनी थापाले नेपाली युवाका साझा समस्या समाधानका लागि साझा प्रयास आवश्यक भएको बताइन्। थापाले नयाँ युथ भिजन निर्माणका लागि परिषद र जेसिजले सहकार्य गर्ने बताइन्।
थापा हालै सम्पन्न नेपाल जेसिजको ५१ औं महाधिवेशनबाट सन् २०२५ का लागि अध्यक्षमा निर्वाचित भएकी हुन्।
-1742801159.jpg)
-1746009348.jpg)
