भक्तपुरमा बुवाछोरा मृत फेला परेका छन्।
सोमबार बिहान सूर्यबिनायक नगरपालिका-२ बालकोट फिकाधारास्थित एक घरमा दुई जना मृत फेला परेको जिल्ला प्रहरी परिसर भक्तपुरका डिएसपी ढुण्डीराज न्यौपानेले जानकारी दिए।
साढे ३ तले पक्की घरको तल्लो तलमा दुई वटा छुट्टाछुट्टै कोठामा उनीहरू मृत फेला परेकाहुन्।
खोटाङको रूपाकोट मजुवागढी नगरपालिका- १ घर भएका ५६ वर्षीय कूलप्रसाद आचार्य र उनका २२ वर्षीय छोरा प्रवीन आचार्य मृत फेला परेका हुन्।
दुवै कोठा बाहिरबाट ताला लगाइएको थियो। सोही तलामा डेरा गरी बसेका अन्यले प्रहरीलाई खबर गरेपछि प्रहरी परिसर भक्तपुर र प्रहरी वृत्त ठिमीबाट टोली खटिएको थियो।
डिएसपी न्यौपानेका अनुसार उनीहरूमाथि धारिलो हतियार प्रयोग पाइएको छ।
-1742801159.jpg)
-1746009348.jpg)
