रड प्रहार गरी हत्या गरेको आरोपमा झापा प्रहरीले एक जनालाई पक्राउ गरेको छ।
शनिबार राति ९:२० बजे बाह्रदशी गाउँपालिका-५ फुलबारीका ४५ वर्षीय गंगालाल माझीको हत्या आरोपमा सोही ठाउँका २६ वर्षीय मानकुमार राजवंशी पक्राउ परेका हुन्।
झापा प्रहरीका अनुसार गएराति दुई जनाबीच विवाद भएपछि राजवंशीले माझीको टाउकोमा फलामको रड प्रहार गरेका थिए।
रड प्रहारपछि गम्भीर घाइते भएका उनलाई उपचारका लागि बिएन्डसी अस्पताल लगिएकोमा ९:५५ बजे चिकित्सकले मृत घोषणा गरेको थियो।
घटनापछि राजवंशीलाई प्रहरीले फलामे रडसहित पक्राउ गरेको छ।
इलाका प्रहरी कार्यालय अनारमनीले घटनाको अनुसन्धान गरिरहेको प्रहरीले जनाएको छ।
