बाढी पूर्वानुमान महाशाखाले आज विभिन्न जिल्लाहरूमा भारी वर्षाका कारण नदीमा बहाब बढ्ने भएकाले सतर्कता रहन आग्रह गरेको छ।
बिहीबार दोलखा, सिन्धुपाल्चोक, मकवानपुर, धादिङ, गोरखा, लमजुङ, कास्की र आसपासका जिल्ला भई बहने अधिकांश स–साना नदीहरूमा बहाव बढ्ने सम्भावना रहेको बाढी पूर्वसूचना केन्द्रले जानकारी दिएको छ।
केन्द्रका अनुसार ती जिल्लाका केही स–साना नदीमा आकस्मिक बाढीको जोखिम रहेको छ।
अहिले काठमाडौं उपत्यकासहित बागमती, गण्डकी, लुम्बिनी, कर्णाली र सुदूरपश्चिमका केही स्थानमा वर्षा भइरहेको छ।
दिउँसो कोशी, बागमती, गण्डकी, लुम्बिनी र सुदुरपश्चिम प्रदेशका एक–दुई स्थानमा भारी वर्षाको सम्भावना रहेको छ।
राति पनि कोशी र गण्डकी प्रदेशका एक–दुई स्थानमा भारी वर्षाको सम्भावना रहेको छ।
पछिल्लो २४ घन्टामा बूढानीलकण्ठमा ४५ मिलिमिटर वर्षा भएको छ।
त्यस्तै कञ्चनपुरको बेलौरीमा ६७.४ मिलिमिटर पानी परेको छ। डडेलधुराको जोगबुढामा ४७.८ मिलिमिटर वर्षा भएको छ।
-1719381287.jpg)
