मोरङको ग्रामथानमा नुहाउने क्रममा पोखरीमा डुबेर दुई बालिकाको मृत्यु भएको छ।
शनिबार बिहान साढे ११ बजे ग्रामथान गाउँपालिका–२ स्थित रम्भा देवको माछा पोखरीमा डुबेर दुई जना बालिकाको मृत्यु भएको जिल्ला प्रहरी कार्यालयका डिएसपी रञ्जनकुमार दाहालले जानकारी दिए।
ग्रामथान–२ खुनियाकट्टाका घनश्याम माझीकी छोरी १२ वर्षीया समीक्षा माझी र मनोज खवासकी छोरी १० वर्षीया रेजिना खवासको मृत्यु भएको हो।
दुबै जना पोखरीमा डुबेको देखेपछि स्थानीयले उद्धार गरी अस्पताल लगेको थियो।
उनीहरूलाई विराटनगरको कोसी अस्पताल लगिएको थियो। त्यहाँ उपचारको क्रममा चिकित्सकले मृत घोषणा गरेको डिएसपी दाहालले बताए।
-1746009348.jpg)
