परराष्ट्र मन्त्री आरजु राणा देउवाले शुक्रबार सिन्धुपाल्चोकको तातोपानी नाका तथा भन्सार कार्यालयको निरीक्षण गरी नाकालाई थप व्यवस्थित गर्न निर्देशन दिएकी छन्।
वार्षिक रु २० अर्बभन्दा बढी राजस्व उठ्ने नेपाल-चीन व्यापारिक नाकाका रुपमा रहेको यस नाका तथा भन्सार कार्यालयको परराष्ट्र मन्त्रीले निरीक्षण गरेको उनको सचिवालयले जनाएको छ।
यसका लागि नेपाल सरकारले पनि आवश्यक पहल गर्ने मन्त्री राणाले बताएकी छन्।
पर्यटन प्रवर्धनका हिसाबले पनि सो नाका महत्वपूर्ण रहेको र यहाँबाट चीनको धार्मिक पर्यटकीय स्थल मानसरोवरका लागि सहज हुने भएकाले यस नाकालाई थप व्यवस्थित गर्नुपर्नेमा उनको भनाइ छ।
मन्त्री राणाले अन्तर्राष्ट्रिय व्यापारिक मार्ग काठमाडौं-कोदारी राजमार्गका साथै यस तातोपानी नाकासँग जोडिएका अन्य सडकको पनि स्तरोन्नति गर्न सरकारले आवश्यक पहल गर्ने बताइन्।
उनले सिन्धुपाल्चोकका सांसद, स्थानीय जनप्रतिनिधि र अन्य सरोकारवालाहरूसँग जानकारी लिई सडक स्तरोन्नतिका लागि आवश्यक परामर्श पनि गरेकी थिइन्।
