गृहमन्त्री रमेश लेखकले आन्दोलनरत शिक्षकहरूको सरोकारलाई सम्बोधन गर्ने गरी सरकार अघि बढ्ने बताएका छन्।
कार्यवाहक प्रधानमन्त्री प्रकाशमान सिंहले बिहीबार राखेको छलफलमा गृहमन्त्री लेखकले शिक्षकहरूका सरोकारलाई छिट्टै सम्बोधन गर्ने गरी सरकार अघि बढ्ने बताएका हुन्।
सरकारसँग विगतमा भएका सहमति समेट्दै तत्काल विद्यालय शिक्षा ऐन ल्याउन मागसहित शिक्षकहरूले काठमाडौंकेन्द्रित आन्दोलन गरिरहेका छन्।
शिक्षकहरूका मागबारे केन्द्रित रहेर कार्यवाहक प्रधानमन्त्री सिंहले बिहीबार छलफल गरेका थिए। गृहमन्त्री लेखक र शिक्षा मन्त्री विद्या भट्टराई पनि छलफलमा सहभागी थिइन्।
छलफलपछि पत्रकारहरूसँग कुराकानी गर्दै गृहमन्त्री लेखकले भने, ‘तिथिमिति तोक्ने गरी नै हामीले छलफल गरिरहेका छौं, कति समय लाग्ला भनेर। चाँडोभन्दा चाँडो यो विषयलाई सम्बोधन गर्नुपर्छ।’
उनले शिक्षकहरूका सरोकारलाई चाँडोभन्दा चाँडो सम्बोधन गर्ने गरी नै सरकार अघि बढ्ने बताए।
‘विद्यालय शिक्षा विधेयकमा शिक्षकहरूका सरोकारलाई सम्बोधन गर्ने हो,’ उनले भने, ‘शिक्षकहरूले उठाएका विषयलाई विधेयकमा समेट्ने बारेमा छलफल भएको छ, चाँडै यस विषयमा हामी ठोस निष्कर्षमा पुग्छौं।’
यो पनि: सांसदले समयमा कानुन नबनाएपछि शिक्षकहरू दोस्रो पटक सडकमा
