नेपाल समाजवादी पार्टी (नयाँ शक्ति) का अध्यक्षसमेत रहेका पूर्वप्रधानमन्त्री बाबुराम भट्टराई हिजोआज गृहजिल्ला गोरखामा छन्।
मंसिर १६ गते गोरखा नगरपालिका वडा नम्बर ५ मा रिक्त वडाध्यक्ष पदका लागि उपनिर्वाचन हुँदैछ।
अध्यक्ष भट्टराई गोरखा नगरपालिका वडा नम्बर ५ को अध्यक्षमा उम्मेदवारी दिएका नेपाल समाजवादी पार्टी (नयाँ शक्ति) का उम्मेदवार रुपेश मग्रातीका पक्षमा भोट माग्न घरदैलोमा व्यस्त छन्।
भट्टराई मतदाताका घर-घर र खेतहरूमा पुगेर आफ्नो पार्टीका उम्मेदवारलाई मत माग्न व्यस्त छन्। वडा नम्बर ५ को अध्यक्ष पदका लागि ९ जनाको उम्मेदवारी परेको छ।
