राष्ट्रपति रामचन्द्र पौडेलले एक महिनाको पारिश्रमिक राहत कोषमा उपलब्ध गराउने भएका छन्।
बाढीपहिरोका लागि उद्धार र राहतका लागि केन्द्रीय दैवीप्रकोप राहत कोषमा राष्ट्रपति पौडेलले एक महिनाको सुविधा उपलब्ध गराउने राष्ट्रपतिका प्रेस सल्लाहकार किरण पोखरेलले जानकारी दिए।
यस्तै राष्ट्रपतिका विज्ञ सल्लाहकारहरूले एक साताको तलब सुविधा राहत कोषमा उपलब्ध गराउने भएका छन्।
यसअघि मन्त्रिपरिषदका सम्पूर्ण सदस्यहरूले एक महिनाको पारिश्रमिक राहत कोषमा उपलब्ध गराउने निर्णय भएको थियो।
