गृहसचिव गोकर्णमणि दुवाडीले पदबहाली गरेका छन्।
शुक्रबार गृहमन्त्रालयमा पुगेर गृहसचिव दुवाडीले पदबहाली गरेका हुन्। बिहीबार बसेको मन्त्रिपरिषदको बैठकले दुवाडीलाई गृहसचिव बनाउने निर्णय गरेको हो।
उनी राष्ट्रिय तथ्यांक कार्यालयमा प्रमुख तथ्यांक अधिकारीको रूपमा कार्यरत थिए।
यसअघि गृहसचिवमा रहेका एकनारायण अर्याललाई सरकारले भदौ १५ गतेदेखि लागु हुनेगरी मुख्यसचिव बनाउने निर्णय गरेको थियो। उनी मुख्यसचिव भएसँगै दुवाडीलाई गृहसचिव बनाइएको हो।
