नेपाली सेनाको प्रधान सेनापतिमा अशोकराज सिग्देल नियुक्त भएका छन्।
राष्ट्रपति रामचन्द्र पौडेलले बुधबार सिग्देललाई प्रधान सेनापतिमा नियुक्त गरेको राष्ट्रपति कार्यालयका प्रवक्ता शैलजा रेग्मी भट्टराईले जानकारी दिइन्।
कायममुकायम प्रधान सेनापति कार्यभार सम्हाल्दै आएका सिग्देललाई भदौ २४ गतेदेखि लागु हुने गरी नियुक्त गरेका हुन्।
साउन २४ गते प्रभुराम शर्मा बिदामा गएका थिए। उनले कायममुकायम प्रधान सेनापति सिग्देललाई कार्यभार बुझबुझारथ गरी बिदामा बसेका थिए।
