नेकपा (एकीकृत समाजवादी) को पदाधिकारी निर्वाचनको मत गणना जारी छ।
एकीकृत समाजवादीको पदाधिकारी र पोलिटब्युरो सदस्यका लागि मंगलबार साँझ निर्वाचन भएको थियो।
अहिले बिहान मतगणना भइरहेको सचिवकी प्रत्यासी दिलुकुमारी पन्तले जानकारी दिइन्।
एकीकृत समाजवादीमा समूहगत प्रतिस्पर्धा भएको छ। १७ सदस्यीय पदाधिकारीका लागि ६७ जनाले प्रतिस्पर्धा गरिरहेका छन्।
असार १६ देखि २० गतेसम्म भएको दसौं महाधिवेशनले अध्यक्षमा माधवकुमार नेपाल, सम्मानित नेतामा झलनाथ खनाल र महासचिवमा घनश्याम भूसाललाई सर्वसम्मत गरेको थियो।
वरिष्ठ उपाध्यक्षसहित १८ सदस्यीय पदाधिकारी चयन भएको थिएन।
वरिष्ठ उपाध्यक्षमा राजेन्द्र पाण्डे र घनेन्द्र बस्नेत प्रतिस्पर्धामा थिए। बस्नेतले उम्मेदवारी फिर्ता लिएर पाण्डेलाई सर्वसम्मत गराइएको हो।
बस्नेतलाई वरिष्ठ नेता बनाउने नेताहरूले आश्वासन दिएका छन्।
एकीकृत समाजवादीमा ३४४ सदस्यीय केन्द्रीय कमिटी छ।
-1724751465.jpg)
