नेपाली कांग्रेसका सभापति शेरबहादुर देउवाले पार्टीका ३७ विभाग प्रमुख तोकेका छन्।
सभापति देउवाले सोमबार अपराह्न ३७ विभाग प्रमुख तोकेका हुन्।
मुख्यसचिव कृष्णप्रसाद पौडेलका अनुसार सभापति देउवाले पार्टी विधान २०१७ (संशोधन सहित) को धारा ३७ (१) (ग) बमोजिम कांग्रेस केन्द्रीय कार्यसमितिका सदस्यहरू मध्येबाट विभाग प्रमुख तोकेका हुन्।
महाधिवेशन भएको छ महिनाभित्र सभापति देउवाले विभागलाई पूर्णता दिनुपर्ने भए पनि ढिला गरी विभाग प्रमुख तोकेका हुन्। यसअघि सभापति देउवाले १७ विभाग प्रमुख तोकेका थिए।
कांग्रेसको १४ औं महाधिवेशन २०७८ मंसिरमा भएको थियो। कांग्रेसमा ७० विभाग छ।
सभापति देउवाले अझै कोषाध्यक्ष मनोनीत गरेका छैनन्। कांग्रेसमा अहिले १३ पदाधिकारीसहित १६८ सदस्यीय केन्द्रीय कार्यसमिति छ।
सभापति देउवाले पदाधिकारी तथा पूर्वपदाधिकारीहरूसँग सोमबार बिहान छलफल गरेका थिए। नेताहरूले विभाग गठनलगायतमा ढिलाइ भएकोमा ध्यानाकर्षण गराएका थिए।
यो पनि: कांग्रेस पदाधिकारी र पूर्वपदाधिकारीहरूबीच छलफल भएका पाँच विषय
केही दिनदेखि महामन्त्रीद्वय गगन थापा र विश्वप्रकाश शर्माले सभापतिको निर्देशनअनुसार विभाग प्रमुखहरू तोक्न गृहकार्य गरेका थिए।
कसलाई कुन विभागको जिम्मेवारी?
१. राज्य प्रशासन विभाग गोविन्द भट्टराई
२. स्थानीय तह समन्वय विभाग मधु आचार्य
३. अभिलेख, अनुगमन तथा मूल्याङ्कन विभाग मानबहादुर विश्वकर्मा
४. संघीय मामिला समन्वय विभाग चन्द्रबहादुर केसी
५. संसदीय मामिला विभाग गोविन्दबहादुर शाह
६. कानून विभाग मानबहादुर नेपाली
७. विद्यार्थी विभाग राजीव ढुंगाना
८. पेशागत तथा वुद्धिजीवी विभाग डिला संग्रौला
९. शिक्षा विभाग नैनसिंह महर
१०. स्वास्थ्य विभाग चन्द्रमोहन यादव
११. निर्माण व्यवसाय समन्वय विभाग मदनबहादुर अमात्य
१२. सार्वजनिक यातायात र यातायात व्यवसायी समन्वय विभाग शिवप्रसाद हुमागाईं
१३. कृषि तथा किसान विभाग उमेश श्रेष्ठ
१४. खेलकुद विभाग उमेशजंग रायमाझी
१५. प्राकृतिक स्रोत विभाग तारामान गुरुङ
१६. साहित्य, कला तथा संस्कृति विभाग विद्यादेवी तिमिल्सीना
१७. दलित समुदाय समन्वय र सशक्तिकरण विभाग लक्ष्मी परियार
१८. द्वन्द व्यवस्थापन तथा मेलमिलाप विभाग कृष्णकिशोर घिमिरे
१९. मुस्लिम विभाग मैकुलाल वाल्मिकी
२०. वित्तीय संस्था समन्वय विभाग कर्णबहादुर बुढा
२१. विज्ञान तथा सूचना प्रविधि विभाग सुशीला मिश्र भट्ट
२२. भू.पू. सैनिक विभाग महेन्द्र कुमारी लिम्बू
२३. आर्थिक नीति तथा योजना विभाग गोविन्दराज पोखरेल
२४. शुभेच्छुक संस्था समन्वय विभाग अब्दुल सत्तार
२५. श्रमिक तथा ट्रेड युनियन विभाग हरिशरण नेपाली
२६. भूमि व्यवस्था तथा भूमिहिन, अव्यवस्थित बसोबास समन्वय विभाग नृपबहादुर वड
२७. मानव अधिकार विभाग धना खतिवडा
२८. वातावरण तथा जलवायु परिवर्तन सरोकार विभाग कल्याणकुमार गुरुङ
२९. ऊर्जा तथा जलस्रोत विभाग अनिलकुमार रुंगटा
३०. बालबालिका तथा किशोर–किशोरी समन्वय विभाग जीवन राना
३१. नागरिक सम्बन्ध तथा समस्या सम्बोधन समन्वय विभाग लक्ष्मी खतिवडा
३२. व्यवसायिक सिप विकास विभाग गंगालक्ष्मी अवाल
३३. विपन्न उत्थान समन्वय विभाग गोपाल दहित
३४. सामाजिक संघ संस्था समन्वय विभाग अर्जुनप्रसाद जोशी
३५. पुस्तकालय तथा पार्टी अध्ययन–स्रोत केन्द्र विभाग अजयबाबु शिवाकोटी
३६. धर्म–संस्कृति समन्वय विभाग ध्यानगोविन्द रञ्जित
३७. पूर्व आप्रवासी समन्वय विभाग दिनेश कोइराला
-ink-1716364775.jpeg)
