नेकपा एमालेको ६ नम्बर प्रदेशको संसदीय दलको प्रमुख सचेतकमा सांसद गुलाबजंग शाह चयन भएका छन्।
सल्यान (क) बाट प्रदेशसभा सदस्यमा निर्वाचित सांसद शाहलाई प्रमुख सचेतकमा चयन गरिएको संसदीय दलका नेता यमलाल कँडेललले जानकारी दिए।
प्रमुख सचेतक शाहले ६ नम्बर प्रदेशमा पार्टीको तर्फबाट सरकारमा रहेका मन्त्री, सांसद र प्रदेशसभा सचिवालयसँग आवश्यक समन्वय गर्ने काम गर्ने कँडेलले बताए।
शाहले पार्टीका तर्फबाट प्रदेश सरकारको नेतृत्वका लागि दाबी गरेका थिए।
संसदीय दलका अन्य पदाधिकारीहरू संसदीय दलको नियमावली बनेपछि चयन गरिने जनाइएको छ ।
