मोरङको सुन्दरहरैंचा नगरपालिकाको मतगणना जारी हुँदा नेकपा एमालेले कांग्रेसलाई ३१ मतको झिनो अन्तरले पछि पारेको छ।
एमालेका मेयर पदका उम्मेदवार केदारप्रसाद गुरागार्इंले ३ हजार १ सय १७ मत प्राप्त गरेका छन् भने उनका निकटतम प्रतिद्वन्द्वी शिवप्रसाद ढकालले ३ हजार ८५ मत प्राप्त गरी पछ्याइरहेका छन्।
त्यस्तै माओवादी केन्द्रकी मेयर पदका उम्मेदवार लक्ष्मी न्यौपाने (लता) ले ५ सय ५ मत ल्याएकी छिन्।
उपमेयरमा पनि एमालेकी धनमाया ३ हजार १ सय १६ मत ल्याएर अग्रस्थानमा छन् भने उनका निकटतम प्रतिद्वन्द्वी कांग्रेसकी बिन्दा दाहाल थापाले २ हजार १६ सय ८९ मत पाएकी छन्।
माओवादी केन्द्रका नबराज चापागाईंले १ हजार ३ सय ५५मत प्राप्त गरेका छन्।
अहिले १, २ , ११ र १२ वडाको मतगणना जारी छ ।
