पूर्वी पहाडी जिल्ला ताप्लेजुङमा शान्तिपूर्ण मतदान भइरहेको छ।
आज बिहान तोकिएकै समयदेखि मतदान सुरु भएको र मौसम प्रतिकूल भएपनि मतदाता उत्साहका साथ सहभागी भएका मुख्य निर्वाचन अधिकृतको कार्यालयले जनाएको छ।
ताप्लेजुङमा एक नगरपालिका र ८ गाउँपालिका छन्। मतदान सकेलगत्तै मतगणनाको काम सुुरु हुने मुख्य निर्वाचन अधिकृतको कार्यालयले जनाएको छ।
यता, निर्वाचन आयोगले पनि तीनै प्रदेशमा निर्वाचन शान्तिपूर्ण रुपमा भइरहेको जनाएको छ। आज प्रदेश नम्बर १, ५ र ७ नम्बर अन्तरगतको ३ सय ३४ वटा स्थानीय तहमा निर्वाचन भईरहेको छ।
