बलिउड अभिनेता टाइगर श्रफले निर्देशक शब्बीर खानलाई मर्सिडिज कार उपहार दिएका छन्। फिल्म ‘मुन्ना माइकल’को सुटिङ सक्किए लगत्तै टाइगरले शब्बीरलाई कार उपहार दिएका हुन्।
टाइगरले यति महँगो उपहार दिन्छन् भन्ने शब्बीरले सोचेका पनि थिएनन्। सोच्दै नसोचेको उपहार पाएपछि निर्देशक शब्बीर दंग छन्।
उनले टाइगरको परिवारको प्रंशसा गर्दै भने,‘टाइगर र उनको पुरै परिवार निकै उदार छन्। यो उपहारले मलाई दंग बनाएको छ।’ मर्सिडिज चलाउन आफू निकै आतुर भएको उनले बताए।
शब्बीर टाइगरका प्रिय निर्देशक हुन्। शब्बीरकै निर्देशनमा बनेको ‘हिरोपन्ती’ बाट टाइगरले आफ्नो फिल्मि करिअर सुरुआत गरेका थिए। यो जोडीको फिल्म ‘बागी’ पनि सफल भएको थियो।
