आन्तरिक उडानमा अहिले ज्येष्ठ नागरिकलाई ८० प्रतिशतसम्म भाडा छुट दिन थालेका छन्।
गत आइतबार नागरिक उड्डयन प्राधिकरणले ज्येष्ठ नागरिक र फरक क्षमता भएका यात्रुहरूका लागि हवाई भाडामा छुट दिने निर्णय गरेको थियो।
प्राधिकरणको निर्णयपछि आन्तरिकतर्फ उडानमा रहेका बुद्ध, यती र श्री एयरलाइन्सले जेष्ठ नागरिकलाई भाडा छुट दिइरहेको बताएका छन्।
यो सुविधाका लागि यात्रुले विमानस्थलस्थित एयरलाइन्सको ‘सेल्स काउन्टर’ बाट टिकट लिनुपर्नेछ।
‘प्राधिकरणले निर्णय गरेको भोलिपल्टबाटै हामीले भाडा छुट दिन थालेका हौं,’ बुद्ध एयरका सूचना अधिकारी दिपेन्द्र कर्ण भन्छन्, ‘अहिले पनि दैनिकजसो छुट भइरहेको छ।’
बुद्धले अहिले हरेक उडानमा २ जनासम्म जेष्ठ नागरिकलाई भाडा छुट दिइरहेको छ।
प्राधिकरणले ७० वर्ष वा सोभन्दा माथिका यात्रुहरूलाई ५० प्रतिशत, ७५ वर्ष वा सोभन्दा माथिलाई ७० प्रतिशत र ८० वर्ष वा सोभन्दा माथिलाई ८० प्रतिशतसम्म छुट दिने निर्यण गरेको थियो।
साथै फरक क्षमता भएका यात्रुका लागि पनि न्यूनतम ५० प्रतिशत छुट दिने निर्णय गरेको थियो।
सोहीअनुसार अहिले जेष्ठ नागरिकले आफ्नो उमेरअनुसारको भाडा छुट पाइरहेको यति एयरलाइन्सका प्रवक्ता सुदर्शन बर्तौला बताउँछन्।
जेष्ठ नागरिक तथा फरक क्षमता भएकाहरूले टिकट लिनका लागि सरकारी परिचयपत्र (नागरिकता, राष्ट्रिय परिचयपत्र, लाइसेन्स) चाहिन्छ।
त्यस्तै फरक क्षमता भएकाहरूको हकमा राष्ट्रिय अपाङ्ग महासंघ नेपालले जारी गरेको कार्ड वा स्थानीय निकायबाट प्राप्त प्रमाणपत्र देखाउनु पर्नेछ।
-copy-1761394385.jpg)
-1746009348.jpg)
