'अनर एक्स८बी' नेपाली बजारमा सार्वजनिक हुने भएको छ।
५१२ जिबी स्टोरेज भएको अनर एक्स८बीलाई कम्पनीले 'कम्प्युटर लेभल स्टोरेज' ट्यागलाइन दिएको छ।
नेपालका लागि अनरको आधिकारिक वितरक सेलट्रोन नेपालले अनर एक्स८बी को प्रि–बुकिङ २६ फेब्रुअरीबाट सुरू भएको बताएको छ। प्रि–बुकिङ २८ फेब्रुअरीमा समाप्त हुने कम्पनीको भनाइ छ।
अनर एक्स८बीमा (१६+५१२) जिबी भेरियन्ट रहेको छ जहाँ १६ जिबीमा ८ जिबी आन्तरिक र ८ जिबी होनोर र्याम टर्बो समावेश छ। यसमा १०८ एम पी मेन क्यामेरा, वाइड र डेप्थ क्यामेरा र २ एम पी म्याक्रो समावेश छ।
सेलट्रोन नेपालले १६+५१२ जिबी भेरियन्ट रहेको अनर एक्स८बीको मूल्य २९ हजार ९९९ रूपैयाँ तोकेको छ।
प्रि–बुकिङ गर्ने ग्राहकहरूले ५ हजार ४९० मूल्य रहेको अनर च्वाइस इयरबड्स एक्स५इ लाई दुई हजार रूपैयाँमा प्राप्त गर्न सक्नेछन्।
अनर एक्स८बी अफलाइन र अनलाइन प्लेटफर्महरूमार्फत् प्रि–बुकिङ गर्न सकिने कम्पनीको भनाइ छ।
