हुन्डाइ हेभी इक्विपमेन्टको नेपालका लागि आधिकारिक वितरक कन्स्ट्रक्सन सोलुसन्स नेपालले हुन्डाई कन्स्ट्रक्सन इक्वीपमेन्ट इन्डियाबाट स्टार अवार्ड र ‘सर्टिफिकेट अफ एप्रिसिएसन’ पाएको छ।
हुन्डाइ कन्स्ट्रक्सन इक्वीपमेन्ट इन्डियाका म्यानेजिङ डाइरेक्टर जिन सेओङ पार्कको उपस्थितिमा सो अवार्ड प्रदान गरिएको थियो।
सन् २०२० मा नेपाली एस्काभेटर बजारमा नम्बर १ स्थान लिन सफल भएवापत कन्स्ट्रक्सन सोलुसन्स नेपाललाई सर्टिफिकेट प्रदान गरिएको हो।
नेपाली एस्काभेटर बजारमा विगत ३–४ वर्षदेखि हुन्डाइ मार्केट लिडर रहँदै आएको छ।
नेपाली एस्काभेटर सेगमेन्टको बजारमा हुन्डाइ एस्काभेटरले २७ प्रतिशत बजार हिस्सा लिएको कम्पनीको भनाइ छ ।
निर्माण र अन्य विभिन्न क्षेत्रमा हुन्डाइका मेसिन प्रयोग भइरहेका छन्।
