मारुती सिमेन्टले देशका विभिन्न डिलरहरुलाई सम्मान गरेको छ।
एक दशकको अवधि पुरा गरेको अवसरमा मारुतीले एक कार्यक्रमको आयोजना गरी डिलरहरुलाई सम्मान गरेको हो।
काठमाडौँबाट खुसी सप्लायर्स एण्ड इन्भेष्टमेन्ट, पोखराको सिद्धार्थ ट्रेडिङ, नारायणगढको उत्सव ट्रेडर्स, बिराटनगरको अमित सप्लायर्स र लाहानको जय भवानी जगदम्बा टे«डर्सलाई उत्कृष्ट विक्रेता पुरस्कारद्वारा सम्मान गरिएको थियो।
यसैगरी बर्दिवासको भण्डारी सप्लायर्सलाई उदयमान विक्रेता पुरस्कारद्वारा सम्मानित गरियो। लाहानको जय भवानी जगदम्बा ट्रेडर्सलाई नेपालकै ‘सर्वोत्कृष्ट विक्रेता’को उपाधि प्रदान गरिएको मारुतीले जनाएको छ।
नेपाली सिमेन्ट उद्योगमा महत्वपूर्ण योगदान गरेवापत विनोद केशरी उपाध्यायलाई दीर्घ सेवा सम्मानद्वारा पुरस्कृत गरिएको थियो। सो अवसरमा मारुती सिमेन्टका कार्यकारी निर्देशक अनुज राठीले डिलरहरुले गरेको मिहेनत र सहकार्यप्रति आभार प्रकट गरे।
