अटो कर्जा प्रवाह गर्दा एनआइसी एसिया बैंकले कुनै पनि प्रक्रियागत तथा प्रशासनिक शुल्क नलिने भएको छ।
जारी नाडा अटो शोमा ‘अन द स्पट फाइनान्सिङ’ सेवा प्रवाह गर्ने उद्देश्यले बैंकले आफ्नो स्टल समेत राखेको छ। स्टलबाट जुनसुकै गाडी किन्नेलाई बैंकले तुरुन्तै कर्जा स्वीकृत गर्ने छ।
व्यक्तिगत तथा व्यावसायिक दुवै प्रयोजनका लागि खरीद गरिने गाडीमा ७ वर्ष अवधिसम्मको लागि आकर्षक ब्याजदरमा तुरुन्त कर्जा उपलब्ध गराइने बैंकले जनाएको छ।
साथै कर्जाको लागि आवेदन दिने ग्राहकलाई बैंकले निःशुल्क रुपमा १ लाख रुपैयाँसम्मको क्रेडिट कार्ड सुविधा उपलब्ध गराउने भएको छ।
