नेपाल इन्भेस्टमेन्ट मेगा बैंक (एनआइएमबी) ले 'भिसा स्पेन्ड एण्ड विन डिजाइन क्याम्पेन' अन्तर्गतका भाग्यशाली विजेताहरू घोषणा गरेको छ।
यो विशेष कार्यक्रम चाडपर्वको अवसरमा सेप्टेम्बर १७, २०२४ देखि अक्टोबर ३१, २०२४ सम्म भिसा कार्ड प्रयोग गरी कारोबार गर्ने ग्राहकहरूलाई पुरस्कृत गर्ने उद्देश्यले सञ्चालन गरिएको थियो।
उक्त अभियान अन्तर्गत नेपालभरका २५ विजेताहरू मध्ये ६ जना एनआइएमबीका ग्राहकहरू विजयी भएका छन्। जसले यस बैंकलाई राष्ट्रव्यापी प्रवर्द्धनात्मक अभियानमा एक प्रमुख स्थान दिलाएको बैंकले बताएको छ।
कुल विजेताहरूको २४ प्रतिशत एनआइएमबीका ग्राहकहरू रहेको तथ्यले नेपालमा डिजिटल कारोबार प्रवर्द्धनमा बैंकको योगदानलाई स्पष्ट पारेको छ।
एनआइएमबीका भाग्यशाली विजेताहरू मनोज मोहन प्रधान, निशेष ढुंगाना,विना चलिसे, टिका राम शर्मा, सरोज प्रसाद प्रधान र मीना कार्की छन्।
यस अभियानअन्तर्गत विजेताहरूलाई दुई जनाका लागि अन्तर्राष्ट्रिय गन्तव्यको विशेष राउण्ड ट्रिप हवाई टिकट प्रदान गरिनेछ।
एनआइएमबीले डिजिटल भुक्तानी प्रणालीलाई प्रवर्द्धन गर्ने आफ्नो निरन्तर प्रयासका साथै आफ्ना सम्मानित ग्राहकहरूको दैनिक कारोबारका लागि पुरस्कृत गर्न प्रतिबद्ध रहेको बताएको छ।
-1746009348.jpg)
