मंगलबार अमेरिकी डलरसँगै अष्ट्रेलियन डलर र पाउण्ड स्टर्लिङको मूल्य बढेको छ।
राष्ट्र बैंकले मंगलबारको लागि सार्वजनिक गरेको विनिमय दर अनुसार आज अमेरिकी डलर एकको खरिददर १३२ रूपैयाँ ७२ पैसा र बिक्रीदर १३३ रूपैयाँ ३२ पैसा कायम गरिएको छ।
सोमबार डलर एकको खरिददर १३२ रूपैयाँ ६६ पैसा र बिक्रीदर १३३ रूपैयाँ २६ पैसा कायम थियो।
यो मूल्य अघिल्लो दिनको तुलनामा ६ पैसा बढेको हो।
पाउण्ड स्टर्लिङ एकको खरिदमा भने १६९ रूपैयाँ २८ पैसा र बिक्रीमा १७० रूपैयाँ ०५ पैसा पाइन्छ।
सोमबार पाउण्ड एकको खरिददर १६९ रूपैयाँ ०४ पैसा र बिक्रीमा १६९ रूपैयाँ ८० पैसा तोकिएको थियो।
त्यस्तै, अष्ट्रेलियन डलर एकको खरिददर आज ८८ रूपैयाँ २१ पैसा र बिक्रीदर ८८ रूपैयाँ ६० पैसा तोकिएको छ।
यो मूल्य अघिल्लो दिनको तुलनामा २८ पैसा बढेको हो।
आज युरोपियन युरो एकको खरिदमा १४४ रूपैयाँ १३ पैसा र बिक्रीमा १४४ रूपैयाँ ७९ पैसा तोकिएको छ।
त्यसैगरी, क्यानेडियन डलर एकको खरिदमा भने ९७ रूपैयाँ १९ पैसा र बिक्रीमा ९७ रूपैयाँ ६३ पैसा पाइन्छ।
यस्तै, कतारी रियाल एकको खरिदमा ३६ रूपैयाँ ४१ पैसा र बिक्रीमा ३६ रूपैयाँ ५८ पैसा पाइन्छ।
राष्ट्र बैंकले साउदी अरेबियन रियाल एकको खरिददर आज ३५ रूपैयाँ ३९ पैसा र बिक्रीमा ३५ रूपैयाँ ५५ पैसा तोकेको छ।
युएई दिराम एकको खरिदमा ३६ रूपैयाँ १३ पैसा र बिक्रीमा ३६ रूपैयाँ ३० पैसा पाइन्छ। मलेसियन रिंगिट एकको खरिदमा मंगलबार २८ रूपैयाँ २६ पैसा र बिक्रीमा २८ रूपैयाँ ३८ पैसा पाइन्छ।
कुवेती दिनार एकको खरिदमा ४३२ रूपैयाँ ४८ पैसा र बिक्रीमा ४३४ रूपैयाँ ४४ पैसा पाइन्छ। त्यसैगरी, आज बहराइन दिनार एकको खरिददर ३५२ रूपैयाँ ०७ पैसा र बिक्रीदर ३५३ रूपैयाँ ६६ पैसा तोकिएको छ।
