बजारमा काउलीको मूल्य बढेको छ। कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
समितिको तथ्यांक अनुसार काउली स्थानीय, ज्यापु र तराई गरी तीन प्रकारको आउँछ।
आइतबार कालीमाटी बजारमा स्थानीय काउली प्रतिकिलो थोक मूल्य एक सय ३० देखि एक सय ४५ रूपैयाँमा बिक्री भइरहेको छ।
त्यस्तै, स्थानीय ज्यापु काउली एक सय ५० देखि एक सय ६० र तराई काउली प्रतिकिलो थोक मूल्य एक सय १० देखि एक सय २० रूपैयाँमा बिक्री भइरहेको छ।
गतसाता आइतबार स्थानीय काउली प्रतिकिलो थोक मूल्य एक सय १० देखि एक सय २० रूपैयाँमा बिक्री भइरहेको थियो।
त्यस्तै, स्थानीय ज्यापु काउली एक सय १० देखि एक सय ३० र तराई काउली प्रतिकिलो थोक मूल्य एक सयदेखि एक सय १० रूपैयाँमा बिक्री भइरहेको थियो।
उत्पादनमा कमी आएकाले काउलीकाे मूल्य बढेको तरकारी व्यवसायी खोम प्रसाद घिमिरेले जानकारी दिए।
‘माग बढेको पनि होइन, खपत बढेको पनि होइन,’ उनले भने, उत्पादनमै कमी आएकाले मूल्य बढेको हो।’
उनका अनुसार अहिले काउलीको अफसिजन हो। अफसिजनमा मूल्य गरी पालुङ लगायत अन्य क्षेत्रबाट काउली आउने गर्छ। अहिले पालुङमा पनि काउलीको उत्पादन घटेको छ। भारतीय काउली पनि भित्रिएको छैन। यो वर्ष यो अवधिमा काउलीको मूल्य अत्यधिक बढेको तरकारी व्यवसायी घिमिरे बताउँछन्।
‘अफसिजनमा काउलीको मूल्य बढ्छ नै तर यो वर्ष गत वर्षभन्दा पनि बढी मूल्य बढेको छ,’ उनले भने।
उनका अनुसार काउलीको मूख्य सिजन कात्तिकदेखि सुरू हुन्छ। त्योबेला भारतीय काउली पनि भित्रन्छन्। सिजनको बेलामा भने काउली अत्यधिक सस्तो हुन्छ।
अहिले काउलीको मात्रै नभएर बोडी, सिमी, घिरौला लगायतका अन्य तरकारीको पनि मूल्य बढेको उनी बताउँछन्।
-1746009348.jpg)
