बजारमा च्याउको मूल्य घटेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
समितिको तथ्यांक हेर्दा बजारमा च्याउ कन्य, डल्ले, राजा र सिताके गरी चार प्रकारको आउँछ।
सोमबार बजारमा कन्य च्याउ प्रतिकिलो थोक मूल्य एक सय ३० देखि एक सय ६० रूपैयाँमा कारोबार भएको छ।
त्यस्तै, डल्ले च्याउ दुई सय १० देखि २६०, राजा च्याउ दुई सय ८० देखि तीन सय र सिताके च्याउ ८ सय देखि ९ सय रूपैयाँमा कारोबार भएको छ।
एक महिना अघिको तुलनामा कन्य, डल्ले च्याउको मूल्य घटेको छ।
त्यस्तै, सिताके च्याउको मूल्य थोरै बढेको छ भने राजा च्याउको मूल्य भने स्थिर देखिन्छ।
कन्य र डल्ले च्याउको उत्पादन बढी भएकाले मूल्य घटेको व्यवसायीहरूले बताएका छन्।
त्यस्तै, राजा च्याउको भने माग अनुसारको आपूर्ति नभएकाले मूल्य थोरै बढेको छ।
एक महिनाअघि बजारमा कन्य च्याउ दुई सय १० देखि दुई सय ३० रूपैयाँमा कारोबार भएको थियो।
त्यस्तै, डल्ले च्याउ तीन सयदेखि तीन सय ५०, राजा च्याउ दुई सय ८० देखि तीन सय र सिताके च्याउ सात सयदेखि ८ सय रूपैयाँमा बिक्री भएको थियो।
काठमाडौंमा च्याउ काठमाडौं उपत्यका लगायत बाहिरी जिल्लाबाट पनि आउँछ।
