बजारमा बन्दा प्रतिकिलो ८ रूपैयाँमा बिक्री भइरहेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
कालीमाटीको तथ्यांक अनुसार शुक्रबार बजारमा बन्दा प्रतिकिलो थोक मूल्य न्यूनतम ८ रूपैयाँदेखि अधिकतम १२ रूपैयाँमा कारोबार भइरहेको छ।
यो एक साताको तुलनामा यो प्रतिकिलो थोक मूल्य दुई रूपैयाँले न्यून हो।
एक साताअघि कालीमाटी बजारमा बन्दा प्रतिकिलो थोक मूल्य न्यूनतम १० देखि अधिकतम १२ रूपैयाँमा कारोबार भएको थियो।
एक महिनाअघि कालीमाटी बजारमा बन्दा सोही मूल्यमा कारोबार भएको थियो।
अहिले बजारमा बन्दा मागभन्दा बढी आपूर्ति भएकाले मूल्य घटेको व्यवसायीहरू बताउँछन्।
हाल काठमाडौंमा बन्दा भक्तपुर, धादिङ, काभ्रे, मकवानपुर लगायतका क्षेत्रबाट आइरहेको छ।
