बजारमा आँप आउन सुरू गरेको छ।
बजारमा साता/दश दिनदेखि विभिन्न जातका आँप आउन थालेको नेपाल फलफूल थोक व्यवसायी संघ, काठमाडौंका उपाध्यक्ष माधव चौलागाईंले जानकारी दिए।
'आँप आइरहेको छ। एक सातापछि त मुख्य सिजन नै सुरू हुन्छ,' उनले भने।
उनका अनुसार हाल लहानबाट बढी मात्रामा आँप आएको छ। उपभोक्ताले बजारमा मालदह, दसहरी र बमोई गरी तीन प्रकार आँप पाउँछन्।
बल्खु बजारमा मालदह आँप प्रतिथोक मूल्य न्यूनतम एक सय, दसहरी एक सय पाँचदेखि एक सय दश र बमोई आँप ८० रूपैयाँ किलोमा बिक्री भइहेको छ।
असार १५ सम्म तराई क्षेत्रका आँप आउँछ भने त्यसपछि पहाडी भेगका आँप बजार आउन थाल्नेछ।
ग्राहकले आँप साउन अन्तिमसम्म बजारमा किन्न पाउँछन्।
