बजारमा लिची पाइन थालेको छ।
बजारमा तीन/चार दिनदेखि लिची आउन थालेको नेपाल फलफूल थोक व्यवसायी संघ, काठमाडौंका उपाध्यक्ष माधव चौलागाईंले जानकारी दिए।
'तराई केही क्षेत्रबाट लिची आइरहेको छ,' उनले भने।
उनका अनुसार भारतीय लिची नगन्य मात्रामा भित्रिएको छ।
अहिले बजारमा लिची प्रतिकिलो थोक मूल्य दुई सय ५० रूपैयाँमा काराबार भइरहेको उनले जानकारी दिए।
तराई लिचीको मूल्य सिजन एक साता पछि सुरू हुनेछ।
साता/दश दिन आएपछि तराई लिचीको सिजन सकिने छ। त्यसपछि पहाडी क्षेत्रका लिची आउन थाल्नेछन्।
'लिचीको सिजन धेरै लामो समय हुँदैन। केही समय आउँछ अनि सकिहाल्छ,' उनले भने।
कालीमाटी फलफूल तथा तरकारी बजारमा विकास समितिको तथ्यांक अनुसार भने बजारमा लिची न्यूनतम थोक मूल्य एक सय ८० देखि दुई सय ३० रूपैयाँमा कारोबार भइरहेको छ।
