मार्च १० तारिख शनिबार लण्डनमा आयोजना हुने कविता कन्सर्टमा भाग लिन कवि नवराज पराजुली लण्डन आइपुगेका छन्। बुधबार बिहान लण्डनको हिथ्रो विमानस्थलमा कन्सर्ट आयोजक एनबिसी यूकेले कवि पराजुलीलाई स्वागत गरेको छ।
कार्यक्रमका संयोजक रामशरण सिंखडा, एनबिसी यूकेका अध्यक्ष मिलन घिमिरे, पूर्व अध्यक्ष कमलराज खनाल, राजेन्द्र ओझा, बसन्त नेपाल, सञ्जिव घिमिरे लगायत पराजुलीलाई स्वागत गर्ने विमानस्थल पुगेका थिए।
कवि पराजुली २ सातासम्म बेलायतमा रहनेछन्।
पराजुलीको विशेष प्रस्तुतिमा लण्डनको ग्रिनफोर्ड टाउन हलमा मार्च १० तारिखको सांझ ६ देखि १० बजेसम्म कार्यक्रम निर्धारित छ। कन्सर्टको तयारी लगभग अन्तिम चरणमा पुगेको आयोजकले बताएका छन्।
सर्लाहीको हरिवनमा रहेको चेतना सन्देश नेपाल नामक संस्थाको सहयोगार्थ यो कार्यक्रम गर्न लागिएको हो। द्धन्द्धकालमा आफ्ना आमाबुबा गुमाएका अनाथ बालबालिका यो संस्थामा संरक्षित छन्।
कन्सर्टबाट सबै खर्च कटाएर १५ हजार पाउण्डसम्म बचत गर्ने र बचत भएको सबै रकम चेतना सन्देश नेपाललाई सहयोग गर्ने लक्ष्य आयोजकले लिएका छन्।
