अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी चिनफिङबीच भेट भएको छ।
दक्षिण कोरियाको दक्षिणी तटीय सहर बुसनमा ट्रम्प र सीबीच बहुप्रतिक्षित भेट भएको हो।
दोस्रो कार्याकाल सुरू भएलगत्तै चीनसँग व्यापार युद्ध गरेका ट्रम्पले पहिलो पटक चिनियाँ राष्ट्रपति सीसँग प्रत्यक्ष वार्ता गर्न लागेका हुन्।
दुई देशबीचको सम्बन्ध उतारचढावमय भए पनि दुई राष्ट्रपतिको भेट सौहार्दपूर्ण ढंगले सुरू भएको छ।
दुवै राष्ट्रपति पत्रकारहरू अगाडि बसे र एकअर्कासँग हात मिलाएर वार्ताका लागि भवनभित्र गएका छन्।
वार्ताका लागि प्रवेश गर्दै गर्दा ट्रम्पले वार्ता सफल हुने बताएका छन्। यद्यपि राष्ट्रपति सी कडा वार्ताकार भएको पनि उनले बताए।
'हाम्रो वार्ता सफल हुनेछ। तर उहाँ निकै कडा वार्ताकार हुनुहुन्छ जुन त्यति राम्रो होइन,' ट्रम्पले पत्रकारहरूसँग भने।
वार्ताका क्रममा चिनियाँ राष्ट्रपति सीले चीन-अमेरिका सम्बन्ध बलियो बनाउन मिलेर काम गर्न आफू तयार रहेको बताएको भनेर रोयटर्सले लेखेको छ।
'दुई देशको सम्बन्ध र विकासका लागि हामी तपाईंसँग मिलेर काम गर्न तयार छौं,' सीको भनाइ उद्धृत गर्दै रोयटर्सले लेखेको छ।
राष्ट्रपति सीले दुई प्रमुख आर्थिक शक्तिबीच घर्षण हुनु स्वाभाविक रहेको पनि बाएका छन्।
'चीन र अमेरिका मित्र र साझेदार हुनुपर्छ,' राष्ट्रपति सीले भने।
गिम्हे विमानस्थलमा रहेको वायुसेना अड्डा भित्र दुई देशबीच प्रतिनिधिमण्डस्तरीय भेटवार्ता सुरू भएको छ।
-copy-1761394385.jpg)
-1746009348.jpg)
