गैरआवासीय नेपाली संघ (एनआरएनए) को एकता महाधिवेशनमा अध्यक्षका आकांक्षी रहेका केशव पौडेलले आफू एकताबद्ध एनआरएनएको पक्षमा रहेको बताएका छन्।
शेष घले नेतृत्वको उच्चस्तरीय समितिले गरेको एनआरएनए एकता महाधिवेशनमा पौडेल अध्यक्षका आकांक्षी थिए। अध्यक्षका लागि उनले अडान लिएको भएपनी परराष्ट्र मन्त्री आरजु राणा देउवाले महेश श्रेष्ठलाई अघि सारेकी थिइन्।
श्रेष्ठलाई अध्यक्ष बनाएपछि पौडेल निकटहरू असन्तुष्ट बनेका थिए।
मंगलबार आफ्ना धारणा सार्वजनिक गर्दै पौडेलले नवनिर्वचित अध्यक्ष श्रेष्ठ लगायत सम्पूर्ण टिमलाई बधाई दिँदै आफ्ना शुभचिन्तकहरूलाई निराश नहुन अपिल गरेका छन्।
'म जहिले पनि एकताबद्ध एनआरएनएको पक्षमा रहँदै आएको छु। त्यसैले मैले यसपटक कुनै पनि पदमा नरहेर बाहिरबाटै सहयोग गर्ने निधो गरेँ। यसबाट मलाई सघाउनकै लागि विभिन्न मुलुकबाट आउनु भएका मित्रहरू निराश हुनु भएको छ,' उनले भने, 'यसका लागि क्षमायाचना गर्दछु र, उहाँहरू सबैप्रति हार्दिक कृतज्ञता व्यक्त गर्दछु। आउँदा दिनमा पनि एकताबद्ध एनआरएनए अभियानको लागि क्रियाशील रही रहने विश्वास दिलाउन चाहन्छु।'
-1746513231.jpg)
