परराष्ट्र मन्त्रालयले गैरआवासीय नेपाली संघ (एनआरएनए) एकता महाधिवेशन सार्न दिएको निवेदन फिर्ताका लागि अर्को निवेदन लेखेको छ।
परराष्ट्र मन्त्रालयले महान्याधिवक्ताको कार्यालय मार्फत परराष्ट्र मन्त्रालयले सर्वोच्च अदालतमा आफैले लेखेको पत्र फिर्ताको निवेदन दिएको हो।
वैशाख ५ गते परराष्ट्र मन्त्रालयले शेष घले नेतृत्वको उच्चस्तरीय समितिले गर्न लागेको एनआरएनए एकता महाधिवेशन सार्नको लागि महान्याधिवक्ताको कार्यालय मार्फत निवेदन दिएको थियो।
तर सर्वोच्चमा पेशी चढ्दै हेर्न नमिल्ने भएर पटक/पटक सरेको अवस्थामा उच्चस्तरीय समितिले एकता महाधिवेशन सम्पन्न गरेको थियो।
वैशाख २० र २१ गते भएको एकता महाधिवेशनबाट महेश श्रेष्ठ निर्विरोध निर्वाचित भएका थिए। महाधिवेशन भइसकेकाले निवेदन फिर्ता लिइएको परराष्ट्रको तर्क छ।
