गैर आवासीय नेपाली संघ(एनआरएनए) अस्ट्रेलिया नारी निकुन्जको आर्थिक सहयोगमा २ सय महिलाको निःशुल्क पाठेघर परीक्षण गरिएको छ।
सुन्दर कर्णाली संस्थाको आयोजनामा र नारी निकन्जको आर्थिक सहयोग तथा सुर्खेतको मेहेलकुना अस्पतालको समन्वयनमा सोही अस्पतालमा शनिबार परीक्षण गरिएको हो।
शिविरमा ३० वर्ष माथिका महिलाको पाठेघर मुखको क्यान्सर, अङ्ग खस्ने समस्या लगायतका स्वास्थ्य परीक्षण गरिएको थियो।
२५५ महिलाको परीक्षण गरिएको मध्ये २० जनामा भिआइए पोजिटिभ देखिएको छ भने जटिल समस्या भएका केहीलाई प्रदेश अस्पताल सुर्खेत रिफर गरिएको छ।
साथै ५ जना महिलामा रिङ पेसरी राखिएको र अन्य समस्यामा निःशुल्क औषधि वितरण र चिकित्सक परामर्श सेवा प्रदान गरिएको आयोजकले जनाएको छ।
-1746009348.jpg)
