गैरआवासीय नेपाली संघ अष्ट्रेलियाले जाजरकोटमा भूकम्पले क्षति पुर्याएको विद्यालय भवन पुनर्निर्माण गरेको छ।
जाजरकोटको भेरी नगरपालिका २ बहुनथानामा रहेको श्री शंकर भवन माध्यमिक विद्यालय पुनर्निर्माण गरेको हो।
२०८० कात्तिक १७ गते (३ नोभेम्बर २०२३) मा जाजरकोट केन्द्रविन्दु बनाएर गएको ६.४ म्याग्नेच्युडको विनाशकारी भूकम्पले उक्त विद्यालय भवनमा क्षति पुगेको थियो।
एनआरएनए अस्ट्रेलियाले दुई कोठे पक्की भवन निर्माण गरेको जनाएको छ।
एनआरएनए अष्ट्रेलियाको आर्थिक सहयोग र यार्सन जाजरकोटको सहजीकरणमा उक्त भवन निर्माण भएको उल्लेख छ।
बिहीबार विद्यालय भवनको उद्घाटन एनआरएनए अष्ट्रेलियाका अध्यक्ष अनिल पोखरेल, एनआरएनए ओसियाना क्षेत्रीय संयोजक दिनेश पोखरेल र एनआरएनए अष्ट्रेलियाका उपाध्यक्ष शम्भु गाइसीले संयुक्त गरेका हुन्।
झण्डै ४० हजार डलरको पुनर्निर्माण परियोजनामा एनआरएनए अष्ट्रेलियाले २५ हजार डलर सहयोग गरेको र बाँकी स्थानीय सरकार तथा समुदायले अनुदान दिएको जनाइएको छ।
एनआरएनए अष्ट्रेलियाका अध्यक्ष पोखरेलले जाजरकोटमा रहेको विद्यालयको उद्घाटन गरेपछि सहयोगी सबैलाई धन्यवाद दिए।
यो कामका लागि अष्ट्रेलियामा रहेका नेपालीहरूको निकै महत्त्वपूर्ण योगदान रहेको पनि उनले बताए।
-1742801159.jpg)
