भारतीय गायक तथा संगीतकार हिमेश रेशमियाको बुबा विपिन रेशमियाको मृत्यु भएको छ।
८७ वर्षिय विपिन रेशमियाको बुधबार राति ८: ३० बजे मृत्यु भएको हो। विपिनलाई पछिल्लो केही समयदेखि सास फेर्न समस्या भइरहेको थियो। उनलाई मुम्बईको धीरूभाइ अम्बानी अस्पतालमा भर्ना समेत गरिएको थियो।
विपिन रेशमियाको परिवारले एक विज्ञप्ति जारी गर्दै उनको मृत्युको पुष्टि गरेका हुन्। 'निकै दुःखसँगै यो जानकारी दिँदैछौं, हाम्रो बुबा विपिन रेशमियाको १८ सेक्टेम्बरमा मृत्यु भयो। उहाँ एक अद्भुत व्यक्ति हुनुहुन्थियो। जसले हाम्रो जिन्दगीमा उज्यालो भरेका थिए,' विज्ञप्तिमा लेखिएको छ।
विपिन रेशमिया फिल्म निर्माता तथा संगीतकार थिए। उनले 'द एक्सपोज' र 'तेरा सुरूर' जस्ता फिल्म निर्देशन गरेका थिए।
