‘किताब जात्रा’ को छैटौं संस्करण सुन्धारास्थित आर्मी अफिसर्स क्लबमा सुरू भएको छ।
किताब यात्रा फाउन्डेसनले किताब जात्रा सुरू गरेको हो। भौतिक रूपमा भइरहेको किताब जात्रा शनिबारसम्म चल्नेछ।
‘किताब जात्राको छैटौं संस्करण घोषणा गर्न पाउँदा हामी निकै उत्साहित छौं,’ फाउन्डेसनका अध्यक्ष तथा फेस्टिभल डाइरेक्टर ऋषिराम अधिकारीले भने, ‘हामी दुई वर्षपछि फेरि भौतिक रूपमै फेस्टिभल गरिरहेका छौं। प्रतिकूल अर्थतन्त्रका कारण २०८० को संस्करण हामीले गर्न नसके पनि किताब जात्राको यात्रालाई यो वर्ष फेरि नयाँ आयामका साथ निरन्तरता दिँदैछौं।’
जात्रामा साहित्यका अतिरिक्त आर्थिक, सामाजिक, कला लगायतका क्षेत्रका समसामयिक विमर्श सञ्चालन हुनेछन्।
फेस्टिभल कोअर्डिनेटर विकेश भट्टराईका अनुसार जात्रामा विमर्शका साथै काव्य सन्ध्या, पुस्तक प्रदर्शनी, स्टार्ट–अप प्रदर्शनी, ओपन–माइक, कला प्रदर्शनी, क्यालिग्राफी, रक्तदानजस्ता सहभागितामूलक सिर्जनात्मक गतिविधि हुनेछन्। जात्रामा मिस्टिक नेपाल अवधारणामा आधारित रहेर संगीत र कला क्षेत्रका विशिष्ट प्रस्तुति रहने उनले बताए।
लेखक र पाठकबीच अन्तरङ्ग विमर्श हुने जात्रामा यस वर्ष भाषा, साहित्य, सिनेमा, समाज, बैंकिङ लगायत विभिन्न क्षेत्रका व्यक्तित्वहरू समावेश हुने १५ वटा सेसन रहने निर्देशक ऋषिराम अधिकारीले जानकारी दिए। साथै ‘संगम श्रुति’ ब्यान्डको सांगीतिक प्रस्तुति पनि रहने उनले बताए।
पठन संस्कृतिलाई जनजीवनको अभिन्न अंग बनाउने उद्देश्यले स्थापित फाउन्डेसनले आयोजना गर्ने ‘किताब जात्रा’को यो संस्करणमा विविध क्षेत्रका पुस्तकहरूको विशेष प्रदर्शनी रहने किताब यात्रा प्रालिका सिइओ विकेश भट्टराईले जानकारी दिए। पुस्तक प्रदर्शनीको संयोजन अनलाइन पुस्तक बिक्रेता किताब यात्राले गर्दैछ।
किताब जात्रामा १ लाख ११ हजार १ सय ११ रुपैयाँ राशिसहितको ‘प्रेम साहित्य सम्मान’ पनि घोषणा गरिनेछ। सर्लाही जिल्लाका शिक्षासेवी स्व. प्रेमप्रसाद अधिकारीको स्मृतिमा स्थापना गरिएको सम्मान हरेक वर्ष नेपाली साहित्य र वाङ्मयमा विशिष्ट योगदान दिने स्रष्टालाई प्रदान गरिन्छ ।
गत वर्ष साहित्यकार ध्रुवचन्द्र गौतमलाई उक्त सम्मान प्रदान गरिएको थियो।
जात्राका अवसरमा ‘किताब यात्रा’ले आफ्नो प्लेटफर्मबाट सर्वाधिक बिक्री भएको पुस्तकलाई ‘किताब यात्रा बेस्ट सेलर अवार्ड’ प्रदान गरिएको छ। ‘इजोरिया’ कृतिले उक्त अवार्ड प्राप्त गरेको छ। कृतिका लेखक सुविन भट्टराईलाई किताब यात्रा बेस्ट सेलर अवार्ड गरिएको छ।गत वर्ष लेखक गिरिश गिरी लिखित ‘सत्यमोहन’लाई उक्त अवार्ड प्रदान गरिएको थियो।
किताब जात्रा कै अवसरमा एक जनालाई खुला आवेदनको आधारमा किताब जात्रा पश्चात सिए अध्ययनका लागि ‘प्रेम प्रसाद मेमोरियल स्कलरसीप’ प्राइम सिएको सहकार्यमा छात्रवृति प्रदान गरिनेछ।
तस्बिरहरू:
-1722591748.jpeg)
-1722591748.jpeg)
-1722591748.jpeg)
-1722591748.jpeg)
-1722591747.jpeg)
-1722591747.jpeg)
-1722591747.jpeg)
-1722591747.jpeg)
-1722591746.jpeg)
-1722591746.jpeg)
-1722591745.jpeg)
-1722591745.jpeg)
-1722591744.jpeg)
-1722591744.jpeg)
-1722591744.jpeg)
-1722591744.jpeg)
-1722591743.jpeg)
-1722591743.jpeg)
-1722591743.jpeg)
-1722591741.jpeg)
-1722591742.jpeg)
-1722591742.jpeg)
-1722591741.jpeg)
-1722591741.jpeg)
-1722591741.jpeg)
-1722591746.jpeg)
