फिल्म 'माइली' निर्माण हुने भएको छ।
अभिनेत्री प्रियंका कार्कीलाई मुख्य भूमिकामा लिएर यो फिल्म निर्माण हुन लागेको हो।
रूना इन्टरटेन्मेन्टको ब्यानरमा निर्माण हुन लागेको फिल्मलाई बाबु साहेब बलामीले निर्देशन गर्नेछन्। फिल्मका लागि प्रियंकालाई हालै निर्माण पक्षले अनुबन्धित गरेको हो। फिल्म युनिटले प्रियंकाको लुक पनि सार्वजनिक गरेको छ।
शुक्रबार सार्वजनिक पोस्टरमा प्रियंकालाई ग्रामीण महिलाको चरित्रमा देखाइएको छ।
निर्देशक बलामीले सत्य घटनामा आधारित रहेर फिल्म निर्माण हुने र फिल्ममा महिलाको पीडा देखाइने बताए।
असारको अन्तिमबाट छायांकन गरिने फिल्मलाई मकवानपुरको वीरखर्ग, कुलेखानी, काठमाडौं र दुबईमा खिचिने जनाइएको छ।
फिल्ममा शंकर अधिकारी ‘घायल’ को गीत, पटकथा र संवाद तथा राजेन्द्र बजगाईंको संगीत रहनेछ।
.jpg)
