नायिका सुष्मा कार्की र स्वेता खड्काकी बहिनी आरती खड्काबीच मिलापत्र भएको छ।
सोमबार राति आफूलाई आरती खड्काले दरबारमार्गस्थित लन्डन पब क्याफेमा कुटिएको भन्दै सुष्मा कार्की महानगरीय प्रहरी वृत्त, दरबारमार्गमा उजुरी दिन पुगेकी थिइन्। उनले प्रहरी कार्यालयमा ठाडो निवेदन दिएपछि प्रहरीले दुवै पक्षलाई बुधबार प्रहरी कार्यालयमा छलफल गर्न बोलाएको थियो।
बुधबार दिउँसो साढे दुई बजेको समयमा दुवै पक्ष कार्यालयमा पुगेका र त्यसपछि उनीहरूको मिलापत्र भएको वृत्तका प्रहरी नायब उपरीक्षक (डिएसपी) रामेश्वर पौडेलले बताए।
'उहाँहरू दुवै पक्ष आएर आज छलफल गर्नुभयो। मिसअन्डरस्ट्यान्डिङ भयो भनेर मिलेर अंगालो हालेर फर्किनु भयो,' डिएसपी पौडेलले भने, 'झैझगडा गर्दैनौं भन्दै जानुभयो।'
नायिका कार्कीले आरती खड्का र पत्रकार उत्सव रसाइलीविरूद्ध उजुरी दिएकी थिइन्। करिब एक-डेढ घण्टाको छलफलपछि दुवै पक्ष फर्किएको उनले बताए।
रसाइलीका अनुसार नायिका कार्कीले उनीमाथि जातीय शब्द प्रयोग गरी दुर्व्यवहार गरेकी थिइन्। रसाइलीमाथि दुर्व्यवहार गरेपछि खड्काले कार्कीलाई झापड हानेको रसाइलीले बताएका थिए।
यो पनि: पबमा आफू कुटिएको भन्दै सुष्मा कार्कीले दिइन् प्रहरीमा उजुरी
-1746009348.jpg)
