लेखक कुमार नगरकोटीको नयाँ कथा संग्रह 'कल्प ग्रन्थ' ग्राहकको प्रि-अर्डर लिई छापिने भएको छ। हिजो भाइटीकाको दिनदेखि प्रिअर्डर खुल्ला गरिएको जनाउँदै बुक हिल पब्लिकेसनद्वारा जारी विज्ञप्तिमा उल्लेख छ। फागुन १ गतेसम्म अग्रिम बुकिङ खुला राखिएको किताब २०७७ साल चैत १४ गते शनिबार सार्वजनिक गरिनेछ।
साहित्य लेखनमा नयाँ प्रयोग गर्न रुचाउने नगरकोटीको 'कल्प वृक्ष' संग्रहमा ६३ वटा विभिन्न बान्की र शैलीका कथा समेटिएको किताब हो। किताबमा कन्सेप्चुअल, ग्रे, पोस्टकार्ड, इन्स्टलेसन, स्कृन प्ले, ट्रान्स क्रियटेड, टाइपोग्राफिक लगायत कथाहरू रहेको बुक हिलका अध्यक्ष भूपेन्द्र खड्काले बताए।
'पश्चिमा मुलुकहरूमा विशेष लेखकहरूका किताब विशेष तरिकाले प्रकाशन हुन्छन्, हामीले पनि लेखनमा सधैँ प्रयोग गर्दै आइरहेका नगरकोटीको यो किताबलाई विशेष तरिकाले प्रकाशन गर्न लागेका हौँ,' खड्का भन्छन्।
प्रि–बुकिङ गरेका ग्राहक पुस्तक विमोचन समारोहमा सहभागी हुन सक्ने र हरेक ग्राहकले नगरकोटीको अटोग्राफसहित किताब प्राप्त गर्नेछन्।
एसिड फ्री कागजमा छापिने यो किताब हार्ड कभरमा बक्ससहित उपलब्ध उनले बताए। एउटा बुक-मार्क, केही विशेष पोस्टकार्ड र झोला किताबसहित प्रत्येक ग्राहकले हात पार्नेसमेत उनले जानकारी दिए।
विज्ञप्तिमा भनिएको छ, 'यो पुस्तक जति ग्राहकले प्रि-अर्डर गर्छन्, त्यति प्रतिमात्र छापिनेछ, देश वा विदेशका कुनै पनि पुस्तक पसलमा यो पुस्तक उपलब्ध हुनेछैन।'
७७७ पृष्ठको रहेको 'कल्प ग्रन्थ' को मूल्य २०२१ रुपैयाँ पर्नेछ।
-1746009348.jpg)
