छाेटाे फिल्म 'सम्बन्धक्' सार्वजनिक भएको छ। सिद्धान्त पुडासैनी निर्देशित फिल्म भाइटीकाको पूर्वसन्ध्यामा युट्युबमार्फत सार्वजनिक भएको हो। फिल्ममा दाजु, बहिनी र भाइको कथा देखाइएको छ।
बहिनी नेहा ग्राफिक डिजाइन पढ्नका लागि अस्ट्रेलिया जान चाहन्छिन्। उनको योजनामा दाजु र भाइको भने साथ रहँदैन किनकि उनीहरू नेहामा निर्भर हुन्छन्। परिवारप्रतिको जिम्मेवारीकै कारण उनको विदेशीले योजना पूरा नहुने मोडमा पुग्छ। उनका लागि सम्बन्ध नै बन्धक बन्छ। बन्धनबाट फुत्कन नेहाले गर्ने संघर्ष 'सम्बन्धक्'को कथा हो।
फिल्मको कथा निर्देशक पुडासैनीले नै लेखेका हुन्। सम्पादन पनि उनले गरेका हुन्। फिल्ममा कलाकारहरू मीरा खड्का, सन्देश शाक्य, सिमान्त पुडासैनी, आकांक्षा जिसी, सिद्दान्त पुडासैनीको अभिनय छ।
टुनामुना प्रोडक्सनको प्रस्तुति फिल्मलाई मनिस पोखरेल र क्षितिज कार्कीले खिचेका हुन्।
-1746009348.jpg)
